წესები და პირობები

ძვირფასო მომხმარებლებო, გთხოვთ, დეტალურად გაეცნოთ ინფორმაციას ვებ გვერდზე მოქმედი წესებისა დ პირობების შესახებ!

ინფორმაცია კომპანიის შესახებ:

დასახელება: შპს „მეგასპორტი“

ს/კ: 205244216

იურიდიული მისამართი: ქ. თბილისი, მცხეთის ქუჩა N17

ფაქტობრივი მისამართი: ქ. თბილისი, ვაჟა-ფშაველას N71

ელ. ფოსტა: info@megasport.ge

Tel: (+995) 032 237 19 19

სამომხმარებლო შეთანხმება

ვებ-გვერდის, www.megasport.ge-ის ნებისმიერი მომსახურებით სარგებლობისას, თქვენ თანხმობას აცხადებთ ჩვენი მომსახურების პირობებზე.

წინამდებარე სამომხმარებლო შეთანხმება შეიძლება შეიცვალოს საკანონმდებლო ან/და კომპანიის პოლიტიკის ცვლილების შესაბამისად. შპს „მეგასპორტი“  უფლებამოსილია ასეთი ცვლილება განახორციელოს ცალმხრივად, მომხმარებლის თანხმობის გარეშე.

ნებისმიერი განხორციელებული ცვლილება დაუყოვნებლივ აისახება www.megasport.ge-ზე. ყველა ქვემოთხსენებული პირობა არეგულირებს თქვენს მიერ ვებ-გვერდითა და ჩვენი მომსახურებით სარგებლობის წესებსა და პირობებს.

ჩვენი მომსახურება

www.megasport.ge არის ონლაინ მაღაზია, რომელიც შესაძლებლობას გაძლევთ დისტანციურად, Online რეჟიმში შეიძინოთ ვებ გვერდზე წარმოდგენილი პროდუქცია და მიიღოთ შესაბამისი მომსახურება.

გთხოვთ გაითვალისწინოთ, www.megasport.ge-ზე განთავსებული პროდუქცია იმავდროულად ხელმისაწვდომია შპს „მეგასპორტის“ ფიზიკურ მაღაზიებშიც, შესაბამისად, თქვენს მიერ შერჩეული პროდუქტი, რომელიც თქვენს სამომხმარებლო კალათაში აღმოჩნდება, შესყიდვის ოპერაციის განხორციელებამდე არ  არის დაზღვეული რისკისგან, რომ  ვებ გვერდზე  სხვა დარეგისტრირებული ან/და ფიზიკურ მაღაზიაში ადგილზე მისული მომხმარებელი დაგასწრებთ და შეიძენს. იმ შემთხვევაში, თუ სხვა მომხმარებელმა თქვენამდე ან პარალელურად შეიძინა თქვენს სამომხმარებლო კალათაში არსებული პროდუქცია, მაგრამ ვებ გვერდზე ამ პროდუქტის შესყიდვა მაინც განახორციელეთ, „მეგასპორტი“ გადახდილ თანხას უკან დაგიბრუნებთ იმ ანგარიშზე, რომელი ანგარიშიდანაც განხორციელდა გადახდა.

იმ შემთხვევაში, თუ ვებ გვერდზე განთავსებული პროდუქციის შესახებ ინფორმაცია არასწორია, რაც გამოწვეულია ტექნიკური ან  სისტემური შეცდომით (მაგ.: არასწორად მითითებული ღირებულება, პროდუქტი, ფერი ან სხვ.), კომპანიას უფლება აქვს უარი გითხრათ შეკვეთაზე. აღნიშნული უფლება ძალაშია მაშინაც, როცა გადახდა უკვე განხორციელებულია. კომპანიის მიერ შეკვეთაზე უარის თქმის შემთხვევაში, გადახდილი თანხა უკან დაგიბრუნდებათ იმ ანგარიშზე, რომელი ანგარიშიდანაც განხორციელდა გადახდა. ვებ გვერდზე ტექნიკური ხარვეზით გამოწვეული არასწორად მითითებული პროდუქტის ვიზუალის, ფერის ან ზომის დაფიქსირების შემთხვევაში, შესაძლებლობა გექნებათ გაცვალოთ პროდუქტი იმავე ღირებულების სხვა ნივთში ან დაიბრუნოთ თქვენს მიერ გადახდილი თანხა.

ვებ გვერდზე რეგისტრაციისას სავალდებულო ველების შევსება აუცილებელია.

პერსონალური მონაცემების დამუშავების მიზანია მომხმარებლის მიერ www.megasport.ge-ზე განხორციელებული შეკვეთების მიღება, დამუშავება, საკურიერო სერვისის გამოყენებით შეკვეთილი პროდუქციის მომხმარებლისთვის ჩაბარება ან/და უკან დაბრუნება, გადახდების და თანხის უკან დაბრუნების (მათ შორის, ნაწილობრივი უკუგატარების) დამუშავება.

როდის და როგორ შეგიძლიათ შეიძინოთ ნივთ(ებ)ი www.megasport.ge-ზე?

ვებ გვერდიდან პროდუქციის შეძენა შესაძლებელია კვირის ნებისმიერ დღეს, ნებისმიერ დროს, მათ შორის დღესასწაულებზე (მიწოდების ვადების შესახებ ინფორმაციას გთხოვთ, გაეცნოთ დეტალურად).

www.megasport.ge-დან პროდუქტ(ებ)ის შესაძენად საჭიროა, მიუთითოთ მოთხოვნილი პირადი მონაცემები და მისამართი. აუცილებელია ინფორმაცია იყოს ზუსტი.

მიწოდების წესი და ვადები

www.megasport.ge -ზე შეძენილი პროდუქციის ტრანსპორტირება შესაძლებელია მთელი საქართველოს მასშტაბით, მომხმარებლის მიერ მითითებულ ნებისმიერ მისამართზე.

შესაძლებელია შემდეგი სერვისებით სარგებლობა:

·        სტანდარტული მიწოდება თბილისში - თბილისის მასშტაბით პროდუქციის ჩაბარება ხდება 1-3  სამუშაო დღეში. გთხოვთ გაითვალისწინოთ, შაბათ-კვირა და ოფიციალური დასვენების დღეები საკურიერო კომპანიისთვის არასამუშაო დღეებია. მიწოდების ღირებულება 500 ლარამდე პროდუქციის შეძენის შემთხვევაში შეადგენს 4.95 ლარს, 500 ლარს ზემოთ სტანდარტული მიწოდება უფასოა.

·        სწრაფი მიწოდება თბილისში - სწრაფი მიწოდების სერვისით სარგებლობა შესაძლებელია მხოლოდ თბილისის მასშტაბით. 18:00-მდე განხორციელებული შეკვეთის შემთხვევაში სასურველ ნივთს მიიღებთ იმავე დღეს. 18:00-ის შემდგომ განხორციელებული შეკვეთის შემთხვევაში მიწოდება გადაინაცვლებს მეორე დღეს. სწრაფი მიწოდების ღირებულება შეადგენს 14.95 ლარს.

·        სტანდარტული მიწოდება რეგიონებში - თბილისის გარეთ პროდუქციის ჩაბარების ვადა განისაზღვრება 5-6 სამუშაო დღით. გთხოვთ გაითვალისწინოთ, შაბათ-კვირა და ოფიციალური დასვენების დღეები საკურიერო კომპანიისთვის არასამუშაო დღეებია. მიწოდების ღირებულება 500 ლარამდე პროდუქციის შეძენის შემთხვევაში შეადგენს 9.95 ლარს, 500 ლარს ზემოთ მიწოდება უფასოა.

გადახდის განხორციელება

ვებ გვერდზე გადახდის განხორციელება შესაძლებელია ნებისმიერი საქართველოს ბაზარზე ოპერირებადი ბანკის Visa, Mastercard და Amex ბარათის მეშვეობით. დამატებით შესაძლებელია ისარგებლოთ საქართველოს ბანკის ნაწილ-ნაწილ და TBC ბანკის გადანაწილებით გადახდის მეთოდით (ამ უკანასკნელი მეთოდებით გადახდის შემთხვევაში დაბრუნებული ნივთისთვის გადახდილი თანხა დაბრუნდება 5%-იანი დანაკლისით, ბანკის საკომისიოდან გამომდინარე). გარდა ამისა, შესყიდვა შესაძლებელია საქართველოსა და თიბისი ბანკების ონლაინ განვადების გამოყენებით.

ვებ გვერდზე შეძენილი ნივთის გაცვლა და დაბრუნება

·        www.megasport.ge-ზე შეძენილი პროდუქციის გაცვლა ან/და დაბრუნება შესაძლებელია მისი მიღების დღიდან 14 დღის განმავლობაში (პირველ დღედ ითვლება ჩაბარების დღის შემდგომი დღე);

·        პროდუქტის გადაცვლა შესაძლებელია მხოლოდ „მეგასპორტის” ფილიალებში (ფიზიკურ მაღაზიებში) 14 დღის განმავლობაში, იმავე ღირებულების ნივთში ან ზომასა და ფერში;

·        ონლაინ შეძენილი პროდუქციის გაცვლა შესაძლებელია იმ შემთხვევაში, თუ პროდუქციას აქვს შენარჩუნებული სარეალიზაციო იერსახე, არის იდეალურ მდგომარეობაში, თან ახლავს დაუზიანებელი სარეალიზაციო ყუთი და მასზე დატანებული ქარხნული იარლიყი არ არის დაზიანებული/მოხსნილი/დაკარგული. გადახდის დამადასტურებელი დოკუმენტის წარდგენა აუცილებელია;

·        ჰიგიენის ნორმებიდან გამომდინარე, საცურაო კოსტიუმების, თეთრეულის, წინდების, თერმოების (თერმული სამოსის) გაცვლა ან/და დაბრუნება არ არის შესაძლებელი, გარდა იმ შემთხვევისა, როცა გაყიდული ნივთი აღმოჩნდება წუნდებული.

·        პლასტიკური ბარათით შეძენილი პროდუქტის დაბრუნებისას, თანხა ბარათზე დაგიბრუნდებათ 2-დან 10 სამუშაო დღემდე, იმავე ანგარიშზე, საიდანაც მოხდა გადახის განხორციელება. დაბრუნება განხორციელდება მხოლოდ იმ შემთხვევაში, თუ ფილიალში დათვალიერების შემდგომ დადასტურდება ნივთის სარეალიზაციო მდგომარეობა (დაუზიანებელი შეფუთვა, ქარხნული იარლიყი, გამოუყენებელი პროდუქტი).